എനിക്ക് ആശംസ നേര്‍ന്നു കൊണ്ട് ബ്ലോഗ്ഗര്‍ നൗഷാദ് അകമ്പാടം അദ്ദേഹത്തിന്‍റെ ബ്ലോഗില്‍ ഇട്ട ഒരു ചിത്രമാണിത്. ബെര്‍ളി തോമസ്‌ ആയിരം പോസ്റ്റ് തികച്ചപ്പോഴും നൗഷാദ് ഇത് പോലെ ഒരു ചിത്രം ഡെഡിക്കേറ്റ് ചെയ്തിരുന്നു . ബെര്‍ളി അതില്‍ സന്തോഷം പ്രകടിപ്പിച്ച് പോസ്റ്റ് ഇടുകയും ചെയ്തു. കാരണമുണ്ട്. എസ്സ് കത്തി പോലെ ഇരിക്കുന്ന ബെര്‍ളിയെ പ്രിഥ്വിരാജിനെക്കാള്‍ സുന്ദരനായാണ് വരച്ചിരുന്നത്. എന്നാല്‍ എന്റെ കാര്യം വന്നപ്പോള്‍ നൗഷാദ് കൂറു മാറി. ഒറ്റ നോട്ടത്തില്‍ മമ്മൂട്ടിയെപ്പോലെ ഇരിക്കുന്ന എന്നെ പകുതി ഇന്ദ്രന്‍സും പകുതി ശ്രീനിവാസനും ആയിട്ടാണ് വരച്ചിരിക്കുന്നത്!. ഇത് ഒരു ഒടുക്കത്തെ ചതിയായിപ്പോയി!. ഇങ്ങനെയൊരു പാര ഞാന്‍ പ്രതീക്ഷിച്ചതല്ല.
ബ്ലോഗര്‍ ആചാര്യന്‍ ആണ് ആശംസ നേര്‍ന്ന് പോസ്റ്റിടുന്ന പണി ആദ്യം തുടങ്ങി വെച്ചത്.
ഇന്ത്യയില്‍ ആദ്യ ബ്ലോഗ്‌ പത്രം പ്രസിദ്ധീകരിച്ചു വാര്‍ത്തയില്‍ ഇടം നേടിയ ബൂലോകം ഓണ്‍ലൈനിന്റെ സ്ഥാപകന്‍ ഡോക്ടര്‍ ജെയിംസ് ബ്രൈറ്റും എഴുതി ഒരു ആശംസ.
ഇനി ആരൊക്കെ പോസ്റ്റ് ഇട്ടിട്ടുണ്ട് എന്നറിയില്ല. വേറെ വല്ലോരും ഇട്ടിട്ടുണ്ടെങ്കില്‍ അറിയിക്കണം. നൗഷാദിനോട് ഒരു വാക്ക്. ചിത്രം മാറ്റി വരച്ചില്ലെങ്കില്‍ കോടിക്കണക്കിനു വരുന്ന എന്റെ ഫാന്‍സിനെ വിട്ടു നിന്റെ ബ്ലോഗ്‌ ഞാന്‍ പൂട്ടിക്കും. ഇത് ഒരു താക്കീതല്ല, ഭീഷണി മാത്രമാണ്!!.
മ്യാവൂ: നൌഷാദിന്റെ ചിത്രം 'കൊണ്ട' ശേഷം ബെര്‍ളിക്ക് പഴയ ഫോം കിട്ടിയിട്ടില്ല. ഒരാഴ്ചയില്‍ ചുരുങ്ങിയത് പത്തു പോസ്റ്റെങ്കിലും ഇട്ടിരുന്ന ബെര്‍ളി ഇപ്പോള്‍ ഒരു പോസ്റ്റ് പോലും തികച്ച് ഇടുന്നില്ല. ഇനി എനിക്കും ആ ഗതി വരുമോ?